Deputetja e Lidhjes Demokratike e Kosovës, Hykmete Bajrami, ka kritikuar Qeverinë e Kosovës, e cila ende nuk ka ndarë mjetet për familjet e dëmtuara nga vërshimet në fillim të këtij viti në Skenderaj, Mitrovicë e Istog.
Bajrami përmes një postimi në Facebook, ka thënë se qeveria mund të ketë harruar, por jo edhe ata që janë prekur nga këto vërshime.
Ai ka pyetur qeverinë se pse nuk ka ndarë ende mjetet.
“Qeveria e Kosovës edhe sot e kësaj dite nuk ka ndarë asnjë cent për familjet e dëmtuara nga vërshimet, në fillim të këtij viti, në Skenderaj, Istog dhe Mitrovicë. Qeveria edhe mund të harroj se çka ndodhi në disa komuna në Kosovë në fillim të këtij viti, por ata që janë prekë drejtpërdrejtë, atyre që uji e balta u pat marrë shtëpitë e bizneset nuk harrojnë kurrë. A din qeveria e rekordeve të të hyrave buxhetore me na tregu pse? Pse sillet kështu me qytetarët e saj?!”, ka shkruar ajo.
Qeveria e Kosovës të mërkurën ka ndarë gjysmë milioni euro për familjet e prekura nga tërmeti në Turqi.
