“Mos heshtni ndaj asnjë forme të dhunës”. Kjo ishte thirrja që nënkryetarja në detyrë e Kuvendit, Albulena Haxhiu dhe ministrja në detyrë, Arbërie Nagavci ia adresuan nxënësve të shkollave të mesme të Prishtinës.
Në kuadër të fushatës globale, “16 Ditët e Aktivizmit Kundër Dhunës me Bazë Gjinore”, të njëjtat pritën nxënësit në sallën plenare të Kuvendit të Kosovës.
Ato theksuan se dhuna ndaj grave dhe vajzave është më e shpërfaqura edhe në Kosovë.
Megjithatë, Haxhiu tha se ndryshimi fillon me të rinjtë ku dhuna nuk mund të pranohet.
“Ndryshimi fillon me ju. Ju keni fuqinë të formoni kulturën e brezit tuaj ku dhuna nuk pranohet. Mos lejoni asnjëherë ndaj çfarëdo dhune. Mos keni frikë”, tha ajo.
