Ka nisur protesta e bizneseve, punëtorëve dhe qytetarëve kundër vendimit të Zyrës së Rregullatorit të Energjisë për tregun e lirë të energjisë, që ka hyrë në fuqi me 1 qershor.
“Mos na ndalni prodhimin”, “Importi falënderon ZRRE-në për ndihmën”, “Mos e ndal zhvillimin ekonomik”, “ Mos ma shkatërro biznesin”, janë disa nga pankartat në duart e protestuesve.
Kryetari i OEK-ut, Lulëzim Rafuna tha se janë mbledhur kundër një padrejtësise që po i bëhet biznesve të vendit.
Ai ka kërkuar një fazë të tranzicionit dhe një paketë për të ndihmuar bisneset qe të mos ndikojë në uljen apo mbylljen e biznesit.
Derisa, Rafuna ka kërkuar që brenda dhjetë ditëve ZRrE-ja ta anuloj këtë vendim.
Ndërkohë, kryetari i Dhomës së Tregtisë dhe Industrisë Kosovë, Skënder Krasniqi u shpreh se Qeveria i ndau para disa ditëve mbi 30 milionë euro për pagat të sektorit publik e sipas tij “aq i duhen sektorit privat për të mos ndalet puna”.
Ndryshe, bizneset në Kosovë kanë nisur protestën e dytë e paralajmëruar kundër vendimit të Zyrës së Rregullatorit për Energji (ZRRE), i cili parasheh daljen e detyrueshme të ndërmarrjeve në tregun e lirë të energjisë.
Protesta ka nisur në orën 11:00, ku përfaqësues të bizneseve kanë vendosur që ksaj radhe të mbajën në Shesh.
Protestuesit do të vazhdojnë marshin e tyre derti tek zyrat e ZRRE-së.
Më 29 maj bizneset dolën në protestë si shenjë pakënaqësie lidhur me procesin e daljes së bizneseve në tregun e lirë të energjisë elektrike, duke bllokuar hyrje-daljet në Prishtinë./teve1.info/
