Altin Morina është basketbollisti më i ri vendor te skuadra e Sigal Prishtinës.
Ekipi i Superligës së Kosovës në basketboll, të hënën e ka prezantuar Morinën që do të jetë pjesë e Sigal Prishtinës për sezonin 2025/26.
Morina kalon te Sigal Prishtina nga skuadra e Bashkimit, ku ishte edhe kapiten por që mungesa e minutazhës te trajneri Igor Jovoviq ka ndihkuar në largimin e tij.
Ai nuk ishte fare pjesë e Bashkimit në duelet e fundit, ndërsa këtë sezon Morina ka luajtur me një mesatare me 2 pikë për ndeshje në të gjitha garat.
Në fakt, Morina edhe në të shkuarën ka qenë pjesë e Sigal Prishtinës, ndërsa karrierë në Kosovë ka bërë edhe te Golden Eagle Ylli e Rahoveci.
Morina pritet këtë javë të debutojë me fanellën e Sigal Prishtinës, ekip që në kuadër të xhiros së 12-të në elitën e basketbollit kosovar përballet në udhëtim me skuadrën e Pejës.
