22:53 Morata e dërgon Spanjën në fazën finale
Sulmuesi Alvaro Morata ka shënuar golin që dërgon Spanjën në fazën finale të Ligës së Kombeve.
Spanja të martën mbrëma fitoi 1:0 ndaj Portugalisë, në ndeshjen e luajtur në Braga. Spanjës i është dashur fitorja për ta fituar grupin 2 të Ligës A. Dhe fitoren e arriti me golin e shënuar në minutën e 88-të. Ishte Morata që shënoi golin me shumë peshë.
Spanja fitoi grupin me 11 pikë. Portugalia mbetet e dyta me dhjetë pikë. Zvicra renditet e treta me nëntë pikë, ndërsa Çekia mbetet e fundit me katër pikë dhe do të luaj në Ligën B në edicionin e ardhshëm.
Pos Spanjës në finalet e Ligës së Kombeve do të paraqiten edhe Kroacia, Italia e Holanda. Këto katër përfaqësuese luftojnë për titull, në qershorin e vitit të ardhshëm.
20:18 Formacionet zyrtare, Portugalia – Spanja
Luhet për ta fituar grupin dhe për të kaluar në “Play Off” të Ligës A të Kombeve.
Portugalia e mirëpret sonte Spanjën në Bragë me fillim nga ora 20:45, në kuadër të xhiros së fundit të grupit të Ligës së Kombeve. Lojtarët e Fernando Santos fituan 4-0 ndaj Republikës Çeke në përballjen e tyre më të fundit, ndërsa iberikët humbën vendin e parë me një humbje 2-1 ndaj Zvicrës.
Portugalia mbetet në vendin e parë edhe me një barazim, kurse Spanjës i duhet vetëm fitorja.
Portugalia: Diogo Costa; Cancelo, Danilo, Dias, Mendes; Carvalho, Neves, Bruno Fernandes; Bernardo Silva, Ronaldo, Jota.
Spanja: Unai Simón; Carvajal, Guillamón, Pau Torres, Gayà; Koke, Rodri, Soler; Ferrán Torres, Morata, Sarabia.
