Brahim Nura ka publikuar një video nga momenti i nxjerrjes së çiftit nga uji, duke thënë se e ka xhiruar të gjithë aksionin, për ta mbajtur si kujtim këtë ditë të vështirë për Skenderajn.
“Sot bashkë me shefin e zyrës për Informim dhe zëdhënësin e komunës së Skenderajt Amir Lushtaku si dhe me Drejtorin e DKRS-së Alban Berisha dhe Valdrin Zyhrani djali i çiftit, kemi marrë pjesë në aksionin e evakuimin të banorëve në fshatin Llaushë, ku më këtë rast është nxjerrë nga uji një çift i moshës rreth 60 vjeçare. Këtë aksion e kam xhiruar ekskluzivisht si kujtim i kësaj dite të vështirë për qytetin e Skenderajt. Aksioni i evakuimit po vazhdon edhe tash e tutje! Lutemi që të kalojë sa më shpejt kjo gjendje!”, shkroi Nura.
