Molliqaj ka shtruar pyetje se “si u bë që për çka u tha e çka nuk u tha në dialog e marrim vesh nga mediat në Serbi, ku raporton Vuçiqi?”.
Ai ka thënë se dialogu i mbyllur është rrezik përtej dialogut.
“Dialog i mbyllur. Dialog përjashtues. Dhe kjo vetëm nga delegacioni i Kosovës. Si u bë që për çka u tha e çka nuk u tha në dialog e marrim vesh nga mediat në Serbi, ku raporton Vuçiqi? E pasaj na thonë po ndikoheni nga “mediat armike”. Nuk ka burim as informacion, e sidomos llogaridhënie nga pala e Kosovës për dialog.Pa vizion, pa plan, pa platformë për dialog. Pa platformë të miratuar në Kuvend. Pa raportim në Kuvend. Pa dialog me shoqërinë civile”, ka shkruar Molliqaj në Facebook.
Ai ka thënë se që kur kjo Qeveri ka fillu dialogun më Serbinë, ka nisur edhe tretja e Kuvendit dhe ka humbur llogaridhënia ndaj qytetarëve.
“Një vit e gjysmë, prej se ka filluar dialogu me Serbinë, themelon edhe kohën kur nisi tretja e Kuvendit dhe humbi rëndësia e llogaridhënies ndaj qytetarëve.
Duke e marrë si të mirëqenë mbështetjen blanko që opozita parlamentare i dha procesit të dialogut, arroganca e pushtetit nuk pyet për gjë. Madje, nuk ka as simulim të transparencës. Kurti hesht, Bislimi hesht. Çka po heshtin shtrohet pyetje?”, ka shkruar kreu i PSD-së./teve1.info/
