Molliqaj tha se një kredi e tillë mund t’u jepej qytetarëve të Kosovës për çështjen e solareve, ku sipas tij ata do të kishin mundësi ta kthenin borxhin për pesë apo shtatë vite duke paguar ngapak.
“Për çështjen e solareve kanë pasur mundësi ta bëjnë një fond të cilin besoj që edhe organizatat e tjera e kishin financu… Këta është dashur ta krijojnë një fond i cili ju jep njerëzve kredi pa interes, pra t’i i merr paratë dhe ta shpërndajnë në 5 vite apo në 7 vite t’i paguash atë ngapak ato. Pas 7 vitesh ti edhe e ke bërë investimin edhe nuk ke paguar kurrfarë interesi, edhe e ke paguar çdo muaj, por edhe e ke zvogëluar koston e energjisë në këtë periudhë, në anën tjetër edhe për izolim”, tha ai.
Në emisionin “Këndi i Debatit”, Molliqaj u shpreh i bindur se nëse do të kishte një fond të tillë, një numër i madh i qytetarëve do ta praktikonin këtë praktikë.
“Unë besoj se në qoftë se kishte me pas fond që qytetarëve të Republikës së Kosovës ua jep me këto kushte do të kishte një numër të madh të njerzve që e kishin praktikuar…Këta nuk kanë bërë asgjë, këta janë duke i marrë nga shtetet tjera këto masa që janë duke na i dhënë tash”, shtoi Molliqaj. /Teve1.info/
