“Kryeministri Kurti, po bën hajgare në Kuvendin e Kosovës kur thotë njohja në mes, njohja në qendër, është duke u tallur me opinionin publik”. tha Molliqaj.
Ai tha se në këtë proces të dialogut nuk ka njohje të Serbisë. sepse kjo marrëveshje nuk është e dizajnuar ashtu.
“Nuk ka njohje të Serbisë në këtë proces të dialogut, ti mund të thuash në fund që nuk e nënshkruaj marrëveshjen ajo është çështje tjetër, por nuk është e dizajnuar ashtu”, shtoi ai.
Garanca të tilla kemi pasur edhe në vitin 2011, por asnjëra nga to nuk janë zbatuar, ose janë zbatuar pjesërisht, u shpreh ai.
“Dizajnimi është që pasi kjo marrëveshje të arrihet dhe zbatohet, sepse sa i përket garancave, ne garanca kemi pas për këto marrëveshje prej vitit 2011, por asnjëra nga to nuk është zbatuar, ose janë zbatuar pjesërisht”.
“Unë them që është mirë me dal prej kësaj kornize të dialogut, por jo të dalim nga Brukseli, dhe duhet të themi se cila është marrëveshja mes Kosovës dhe Serbisë”, tha Molliqaj.
