Kryetari i Partisë Socialdemokrate, Dardan Molliqaj, në emisionin “Këndi i Debatit” në Tëvë1 me Dukagjin Maliqi, foli për arritjen e marrëveshjes së paqes me Serbinë.
“Nuk ka asgjë më të rëndësishme se sa me intesifiku marrëdhëniet me shtetet e perëndimit, në veçanti me BE-në dhe SHBA-në për arritjen e marrëveshjes së paqes me Serbinë” tha Molliqaj.
Sipas Molliqaj, çfarëdo marrëveshje në ndërmjet, që nuk është përfundimtare dhe e përhershme, është vetëm e dëmshme.
“Marrëveshjet duhet të jenë të përhershme dhe përfundimtare, sepse marrëveshjet e ndërmjetme janë gabim, për këtë arsyje asosiacioni më kompetenca gjysëm apo me kompetenca të plota, është marrëveshje e përkohshme, dhe nuk garanton që pas dy viteve mund të shkojë diku tjetër” shtoi ai.
Ai tha se kornizimi i dialogut që u mbajt në Bruksel, do të ketë asociacion në Kosovë, nuk do të ketë njohje nga Serbia mirëpo mund të ketë premtim për njohjen e vendeve anëtare.
