Kryetari i PSD-së, Dardan Molliqaj, ka thënë se ajo çka dihet për çështjen e Asocacionit, është se i njëjti nuk do të jetë monoetnik.
Përmes një postimi në Facebook thotë se Asociacioni është i dëmshëm në secilin version, shkruan teve1.info
“Ky nocioni i monoetnicitetit u lansua nga qeveria për tu dukur se e përmirësuan statutin e Asociacionit, e versioni final, dihet, nuk ka me qenë MONO. Kurrë nuk ka pas me qenë. As atëherë kur kundërshtohej me protesta e aksione brenda Kuvendit. Asociacioni është i dëmshëm tashmë, në secilin version. Dhe si i tillë absolutisht i papranueshëm”, ka shkruar Molliqaj.
“Këta krijojnë insinuata dhe kur ato nuk ndodhin (se janë shpikje, kryesisht duke keqpërdorur situata e gjendje njerëzish) atëherë na japin lajmin e suksesit, se si këta e ndalen, përmirësuan apo ndaluan. Që të tri deklaratat janë gënjeshtra”, shtoi ai.
