Kapiteni Luka Modriq do të vazhdoj të luaj për Kroacinë përkundër që vendi i tij ka gjasa të mëdha të eliminohet nga “Euro 2024” pas barazimit 1:1 me Italinë në ndeshjen e fundit të fazës së grupeve.
Ky barazim e dërgoi Italinë në fazën nokaut me 5 pikë, ndërsa Kroacia është e treta në Grupin B me dy pikë dhe duhet të pres deri të enjten për të mësuar fatin e saj.
Kroatët po shpresojnë të avancojnë në fazën tjetër nëpërmjet vendit të tretë, ndonëse një gjë e tillë është tepër e vështirë.
Modriq, i cili shënoi gol ndaj Italisë dhe më herët humbi një penallti, ka insistuar se nuk e ka ndërmend të ndalet por do të vazhdoj të luaj për Kroacinë.
Me golin ndaj Italisë, Modriq është bërë golashënuesi më i vjetër në një Kampionat Evropian. Ai golin e shënoi me 38 vjet e 289 ditë, duke e thyer rekordin e Ivica Vastiqit, i cili kishte shënuar gol për Austrinë kundër Polonisë në “Euro 2008”. Vastiq, atëbotë ishte 38 vjet e 257 ditë kurse Modriq ndaj Italisë regjistroi paraqitjen e 178 prejse debutoi në vitin 2006 me Kroacinë.
