Organizata globale e shëndetësisë CEPI do t’i japë afërsisht 60 milionë dollarë Moderna-s dhe dy grupeve të tjera për të përshpejtuar zhvillimin e vaksinave kundër Ebola-s, Bundibugyo.
Ajo i tha Reuters se ishte e mundur që vaksinat kundër këtij lloji të jenë gati për prova brenda disa muajsh.
Njëra është një version Bundibugyo i vaksinës Ervebo, e cila u miratua për një lloj tjetër të Ebolës. Një tjetër po zhvillohet nga Universiteti i Oksfordit duke përdorur një platformë të ngjashme me vaksinën kundër COVID-it Oxford/AstraZeneca. E treta është një vaksinë mRNA nga Moderna.
Ndwrkohw, Kreu i Organizatës Botërore të Shëndetësisë do të takohej me presidentin e Republikës Demokratike të Kongos të hënën për të diskutuar shpërthimin e Ebolës në vend, për të cilin një agjenci ndihmash paralajmëroi se ka të ngjarë të jetë shumë më i madh nga sa pasqyrojnë shifrat zyrtare.
Shpërthimi i Ebolës me qendër Republikën Demokratike të Kongos është tashmë një nga më të mëdhatë e regjistruara ndonjëherë, me mbi 1,100 raste të dyshuara.
Ai shkaktohet nga një specie më e rrallë e Ebolës, Bundibugyo, për të cilën nuk ka vaksina ose trajtime të miratuara./teve1.info/
