Dhjetëra mijëra njerëz dolën në rrugët e Greqisë të dielën në një mobilizim popullor mbarëkombëtar kundër gjenocidit të vazhdueshëm izraelit në Gaza.
Protestuesit iu përgjigjën një thirrjeje të përbashkët nga degët greke të Bojkotit, Shpronësimit, Sanksioneve (BDS) dhe nismës Globale Marshimi për Gazën, si dhe komunitetit palestinez në Greqi, ku u mblodhën në mbi 100 vende, duke përfshirë Athinën, qytetin portual aty pranë të Pireut, qytetin portual perëndimor të Patrës, qytetin portual verior të Selanikut, si dhe ishujt e Mikonosit, Santorinit, Amorgosit, Kiosit, Tinosit dhe Sirosit.
Duke mbajtur flamuj dhe banderola palestinezë që shprehnin mbështetje për Palestinën dhe dënimin e luftës dhe politikave gjenocidale të Izraelit në Gaza, protestuesit brohoritën slogane të tilla si “Fitore rezistencës”, “Liri Palestinës” dhe “Fund gjenocidit në Palestinë”, ndër të tjera, citon Anadolu.
Izraeli është përballur me zemërim në rritje për shkak të luftës së tij vdekjeprurëse në Gaza, ku ka vrarë më shumë se 61,400 njerëz që nga tetori i vitit 2023.
Fushata ushtarake ka shkatërruar enklavën dhe ka bllokuar ndihmën humanitare për muaj të tërë, duke e çuar atë në prag të urisë./teve1/
