Ministria e Kulturës po mbron monumente të cilat tashmë janë shkatërruar. Nga njohës të trashëgimisë kulturore cilësohet që masat ndëshkimore për parandalim të shkatërrimeve nuk kanë pasur efekt.
Ka pak muaj që është shkatërruar.
Por pavarësisht faktit që më nuk ekziston, Kompleksi i Sarajit të Vjetër në Prizren vazhdon të jetë në mbrojtje të përhershme nga Ministria e Kulturës.
E sikur ky monument, në Kosovë janë dhjetëra asete kulturore që mbrohen vetëm si emra.
Shkatërrimi i tyre sipas Sali Shoshit nga Fondacioni “Trashëgimia pa kufi”, është humbje e kujtesës kolektive.
Ndërsa masat ndëshkimore sipas Organizatës ‘’Ec ma ndryshe’’ nuk kanë pasur efekt.
MKRS në bashkëpunim me institucionet tjera relevante duhet të sigurojnë mbikëqyrje të rregullt dhe më të qëndrueshme për të parandaluar dëmtimet e mëtejshme të monumenteve, përfshirë instalimin e sistemeve të monitorimit. Masat ndëshkimore nuk kanë qenë efektive në aspektin e parandalimit të shkatërrimeve. Masat ndëshkuese duhet të jenë në proporcion me dëmin e shkaktuar, që në rastin e monumenteve duhet të cilësohet edhe si vepër penale, thuhet nga kjo ojq.
Televizioni për këtë çështje ka kërkuar qëndrim edhe nga Ministria e Kulturës, por deri në momentin e publikimit të kronikës, të njëjtit nuk kanë kthyer përgjigje.
Ndërkohë, Republika e Kosovës ka një trashëgimi të pasur kulturore, vende të panumërta që pasqyrojnë ndikimin e historisë dhe trashëgiminë kulturore mund t’i gjesh posaçërisht në pjesët jugore dhe perëndimore të Kosovës sikurse është Rajoni i Dukagjinit, qyteti i Pejës, Gjakovës dhe Prizrenit.
