Ministria e Kulturës, Rinisë dhe Sportit ka shprehur ngushëllimet për humbjen e mjeshtrit të teatrit dhe kinematografisë shqiptare, Mirush Kabashi.
Në reagimin e Ministrisë thuhet se kontributi i tij do të mbetet pasuri e pashuar në historinë e artit.
“Do ta kujtojmë si një nga interpretuesit më të mëdhenj të poezisë, për kontributin e madh në rreth 100 role në teatër dhe filma duke veçuar atë të Sokratit tek “Apollogjia e fundit e Sokratit” që shënon kulmin e tij artistik, si prezantues e pedagog. Për të arriturat e tij flasin çmimet e shumta vendore e ndërkombëtare si dhe titujt “Nderi i Kombit”, “Artist i Merituar” dhe “Mjeshtër i Madh i Punës”. Kontributi i tij jashtëzakonshëm do mbetet një pasuri e pashuar në historinë tonë të artit dhe i jemi mirënjohës për trashëgiminë kulturore që ka lënë pas në të gjitha trojet shqiptare. Ngushëllime familjes, miqve, komunitetit dhe të gjithë adhuruesve të Kabashit”, thuhet në reagimin e ministrisë./teve1.info/
