Ministria për Kulturë, Rini dhe Sport (MKRS), ka bërë të ditur se ka anuluar tre tender në vlerë totale prej 37 milionë eurosh, të cilët lidhen me punët nëpër stadiumet e futbollit të tri qyteteve të mëdha të Kosovës.
Ndërtimi i “Stadiumit të Qytetit” në Pejë me 19 milionë euro, rinovimi i “Stadiumit të Qytetit” në Gjilan me vlerë prej 15 milionë eurosh dhe rinovimi i stadiumit “Adem Jashari” në Mitrovicë me vlerë prej tre milionë eurosh, janë tri stadiumet për të cilët tenderët tashmë janë anuluar.
Njoftimi për këtë ka ardhur nga faqja zyrtare e prokurimit, me arsyetimin se njoftimet fillestare janë vendosur gabimisht për shkak se ende janë në fazën e vlerësimit.
