Mjeku australian Mohammed Mustafa, i cili është vullnetar në një spital të Gazës, ka rrëfyer përvojën shqetësuese të trajtimit të viktimave të fundit të sulmeve të Izraelit në Gaza.
Në një video të shpërndarë në mediat sociale dhe të vërtetuar nga agjencia Sanad e Al Jazeera-s, Dr Mustafa tregon për lëndimet e tmerrshme të pësuar nga viktimat e valës së fundit të sulmeve të Izraelit në Gaza herët në mëngjesin e së martës, ku u vranë më shumë se 400 njerëz dhe u lanë qindra të plagosur.
“Na kanë mbaruar të gjitha ilaçet kundër dhimbjeve Ne nuk mund t’i qetësojmë askujt, nuk mund t’i japim asnjë analgjezi,” thotë Mustafa në videon e shpërndarë në Instagram, e regjistruar pas punës gjatë gjithë natës.
“Janë shtatë vajza që u janë prerë këmbët – nuk ka anestezi”, tha ai, duke shtuar, “Bombardimi ende po vazhdon.
“Ishin kryesisht gra dhe fëmijë, të djegur nga koka te këmbët me gjymtyrë të humbura, koka të humbura,” tha ai.
Izraeli rifiillojë të martën sulmet ndaj Rripit të Gazës në mënyrë të befasishme duke prishur armëpushimin, dhe duke lënë të vdekur më shumë se 400 njerëz.
Izraeli përballet me një akuzë për gjenocid në Gjykatën Ndërkombëtare të Drejtësisë për luftën e tij në enklavë.
View this post on Instagram
