E ftuar në emisionin “Respublika” në Tëvë 1 ajo deklaroi se tashmë ky është një vendim i vonuar për shkak se Kosova i kishte plotësuar qysh moti kriteret për liberalizim.
“Ka sinjale që mund të hiqen vizat për kosovarët që do të thosha do të jetë diçka e mirë pavarësisht se është e vonuar, por i mirë që ne si LDK do t’i gëzohemi ne qoftë në vitet paraprake sa kemi qenë në Qeveri kemi luajtur rolin tonë në përmbushjen e kritereve, sepse siç e dini në 2018 Komisioni Evropian pati rekomanduar që janë përmbushur të gjitha kriteret dhe në atë kohë pritej nga Këshilli i Evropës dhe vendet veç e veç duke qenë se është vendim me konsensus”, tha ajo.
Por, Mjekiqi tha se shpreson që mos të ketë një valë të re të largimit të qytetarëve të Kosovës në rast të liberalizimit të vizave.
“Ajo çfarë duhet të kihet parasysh është se kemi marrëveshje të ndryshme riatdhesimi me vende të BE-së dhe momentin që liberalizohen vizat nuk dmth që qytetarët të kenë të drejtë të dalin një kohë të gjatë sepse vijnë kufizimet… Këtu duhet respektuar në mënyrë që ta mbajmë liberalizmin e vizave. Uroj që të mos ketë një valë të tillë mendoj që është diçka e mirë që me faktin që në momentin që liberalizohen vizat qytetarët mund të dalin të shohin dhe kthehen sepse e kam thënë se mungesa e liberalizimit i ka dëmtuar ata që kanë dashur të lëvizin lirshëm në mënyrë legale dhe jo ata ilegale sepse e kanë gjetur një mënyrë”, shtoi ajo./teve1.info/
