Komunal e Mitrovicës së Veriut ka pranuar kërkesën e qytetarëve për inicim të peticionit për shkarkim të kryetarit, Erden Atiq.
Kryesuesi i Kuvendit, Nexhat Uglanjin, për teve1.info tha se kanë afat kohore pesë ditë për të kthyer përgjigje dhe për këtë do të konsultohen me organet përgjegjëse.
“Po e kam pranu kërkesën dhe do të ja dërgojmë ministrisë së Pushtetit Lokal, KQZ-së dhe kryetarit nesër. Pra, do të konsultona me ministrinë se si me vepru më tutje si kryesues i Kuvendit. Pesë ditë kemi afat kohore”, ka thënë ai për teve1.info
Ndryshe, të mërkurën Komisioni Qendror i Zgjedhje, ka njoftuar se ka pranuar katër shkresa, tre prej të cilave kanë të bashkëngjitur të plotësuar formularin për inicimin e kërkesës për peticion për largimin nga detyra të kryetarit të komunës.
Zëdhënësi i KQZ-së, Valmir Elezi ka njoftuar se pas shqyrtimit të shkresave janë njoftuar dhe udhëzuar serbët që sipas akteve nënligjore të Ministrisë së Administrimit të Pushtetit Lokal , kërkesat e dorëzuara në KQZ t’i adresojnë tek autoritetet përkatëse, respektivisht tek Kryesuesi i Kuvendit Komunal në komunat përkatëse.
“Mund t’iu konfirmoj se shkresat të cilat i kemi pranuar më 5 dhjetor përmes e-mailit, janë shqyrtuar dhe u kemi kthyer përgjigje, me anë të të cilave i kemi njoftuar se sipas akteve nënligjore të Ministrisë së Administrimit të Pushtetit Lokal, kjo çështje duhet të adresohet tek Kryesuesi i Kuvendit Komunal në komunat përkatëse, andaj i kemi udhëzuar që kërkesat e dorëzuara në KQZ t’i adresojnë tek autoriteti kompetent”, tha Elezi./teve1.info
