Gjatë procesit gjyqësor të katër ish-krerëve të UÇK-së, avokati i ish-presidentit të Kosovës, Hashim Thaçi, Lluka Mishetiq, tha se Zyra e Prokurorit të Specializuar nuk ka paraqitur prova se Thaçi u ka dhënë urdhra ushtarëve të UÇK-së për kryerjen e krimeve.
Sipas Mishetiq, ZPS nuk ka asnjë provë se ka pasur linja të raportimit mes Thaçit dhe njësive të UÇK-së.
Avokati mbrojtës ka thënë se: “Prokuroria nuk paraqet prova të Thaçi u ka dhënë urdhra ushtarëve të UÇK-së”.
Tutje, Mishetiq ka thënë se Thaçi nuk kishte pushtet real dhe asnjëherë nuk kishte kontroll efektiv.
Ai mes tjerash ka cituar edhe një raport të krizës në nëntorin e vitit 1999, që sipas tij dëshmon që Thaçi nuk ka qenë i kënaqur me krimet që po kryheshin pas luftës.
Avokati mbrojtës ka thënë se udhëheqësit e UÇK-së vazhdimisht u kanë bërë thirrje serbëve që të qëndrojnë në Kosovë. /teve1.info/
