MSH-ja përmes një njoftimi në Facebook ka bërë të ditur se këto vaksina janë donacion nga Shtetet e Bashkuara të Amerikës përmes mekanizmit COVAX dhe sigurimit të materialeve përcjellëse për vaksinim, shkruan teve1.info
Në njoftim thuhet se vaksinimi do të bëhet nën përkujdesjen e prindit ose kujdestarit ligjor.
“Pas sigurimit ditë më parë dozave pediatrike të vaksinës kundër COVID-19, donacion nga Shtetet e Bashkuara të Amerikës përmes mekanizmit COVAX dhe sigurimit të materialeve përcjellëse për vaksinim, fëmijët e moshës 5-11 vjeç, nën përkujdesjen e prindit ose kujdestarit ligjor, mund të vaksinohen që tani kundër COVID-19 në njësitë e vaksinimit në komunat e Kosovës”, thuhet në njoftim.
Ministria ka rijuktuar se grupmosha 60+ vjeç mund të vaksinohen me dozën e katërt me kusht që të kenë kaluar së paku 4 muaj nga marrja e dozës së tretë. Grupmosha 12+ vjeç mund të vaksinohen me dozën e parë, të dytë dhe të tretë dhe grupmosha 5-11 vjeç me dozen e pare dhe dozën e dytë.
Tutje MSH-ja u ka bërë thirrje qytetarëve që të vaksinohen kundër Covid-19, për të parandaluar sëmundjen dhe vdekjet.
