Përmes njoftimit të kryeparlamentarit Glauk Konjufca u bë e ditur se versioni i fundit i rezolutës për liberalizim të propozuar nga Aleanca për Ardhmërinë e Kosovës u harmonizua në mes grupeve parlamentare.
Megjithatë para votimit, nënkryetari i Kuvendit të Kosovës nga radhët e PDK-së, Enver Hoxhaj pati një propozim.
E shefi i grupit parlamentar të AAK-së, Besnik Tahiri gjatë debatit parlamentar deklaroi se përmes kësaj rezolute, deputetët do të shtyjnë përpara reformat për shtetin e së drejtës, nisma kundër korrupsionit e zbatim të ligjeve.
Ndonëse ky propozim u miratua nga të gjitha grupet parlamentare, e njëjta gjë nuk ndodhi edhe për votim të raportit të Agjencisë për Informim dhe Privatësi.
Kjo pasi nuk pati kuorum për vendimmarrje.
Raporti i gazetares Albiona Hajdari.
