Përmes këtij projektligji, i cili u votua me vota unanime në këtë Komision, deputetët detyrohen ta pezullojnë punën e tyre në fakultet.
Deputetja e Lëvizjes Vetëvendosje, Mimoza Kusari – Lila deklaroi se bazuar në këtë dispozitë ligjore deputetët detyrohen ta pezullojnë punën e tyre në fakultet sepse janë konsideruar nënpunës publik.
“Në situatën aktuale deputetët nuk mund të kenë më shumë se 6 orë në universitet e arsimit të lartë. Stafi akademik që merr mandatin e deputetit shkakton problem në zëvendësimin e tij në vendin e punës. Pasojat e lëvizjes së profesorëve i bartë vetëm institucioni publik. Kemi konsideruar që kjo pjesë të ndryshohet dhe të trajtohet në plotëni edhe me dy projektligje tjera. Kur të vjen si tërësi donë me shumë kohë”, tha ajo.
Ndërkaq, ky projektligj gjeti përkrahje edhe nga partitë opozitarem ku Besnik Tahiri i Aleancës për Ardhmërinë e Kosovës theksoi se në agjendën legjislative ky
projektligj është paraparë që të vijë në mars në Kuvend.
“Për iniciativën në fjalë jam për dhe mendoj që ruajtja e personelit akademik është gjë shumë e madhe dhe të njëjtit ndihmojnë në procesin e akreditimit. Në agjendën legjislative ky projektligj është paraparë të vijë në mars në Kuvend. Për këtë temë mbështetjen tonë e ke. Ne kemi pasur këtë debat edhe rreth RTK-së”, ka thënë Tahiri.
