Kryeministri i vendit, Albin Kurti në mbledhjen e Qeverisë tha se ky plan ka për qëllim të koordinojë veprimet dhe detyrat e institucioneve përgjegjëse për menaxhimin efektiv të numrit të qenve me dhe pa pronar.
“Përmes saj do të adresohet problemi me shtimin e numrit të madh të qenve në rrugë duke u fokusuar tek burimet e problemit me një qasje të qëndrueshme”, shtoi Kurti.
Ndërkaq, ministri i MAPL-së, Elbert Krasniqi ka thënë se kjo strategji synon fushatën edukuese për promovimin e pronësisë së përgjithshme dhe strehimin e përkohshëm të qenve.
“Kjo strategji për gjatë periudhës kohore 2022/2028 synon zhvillimin e kornizës ligjore, fushatën edukuese për promovimin e pronësisë së përgjithshme, objektet adekuate për strehimin e përkohshëm. Përgjegjësit për zbatimin e kësaj përgjegjësie do të jenë në nivelin qendror dhe lokal bazuar në fushëveprimtarinë e tyre”, tha ai. Krasniqi. /Teve1.info/