Kuvendi Komunal i Mitrovicës së Jugut ka miratuar buxhetin për vitin 2027, në vlerë prej 34 milionë e 45 mijë e 130 euro.
Në votimin e zhvilluar në Kuvend, 18 asamblistë votuan për buxhetin, 13 kundër, ndërsa nuk pati asnjë abstenim.
Buxheti për vitin 2027 është për 1 milion e 626 mijë e 374 euro, apo rreth 5.02 për qind, më i lartë se buxheti i vitit 2026.
Kryetari i Komunës së Mitrovicës së Jugut, Faton Peci, e ka cilësuar miratimin e buxhetit si një hap të rëndësishëm për komunën.
“Miratohet Buxheti Komunal për vitin 2027 në vlerë prej 34,045,130 euro për Mitrovicën. Bashkë me projektet dhe mbështetjen e Qeverisë, do të jetë buxheti më i larti në histori të Mitrovicës. Për projekte të reja, investime dhe shërbime për qytetarët tanë”, ka shkruar Peci në Facebook./teve1.info/
