Qeveria në mbledhjen e saj ka miratuar projektligjin për Prokurorin e Shtetit dhe projektligjin për Prokurorinë Speciale
Lidhur me miratimin për projektligjin për Prokurorin e Shtetit, kryeministri Albin Kurti tha se është hap kyç në drejtim të përmbylljes së reformave në sistemin prokuroria.
“Fusha e drejtësisë është një nga prioritetet tona. Reformimi dhe avansimi i sistemit prokurorial është tejet i rëndësishëm, dhe është hap kyç ne drejtim të përbylljes së reformës të sistemit prokurorial”, tha Kurti.
Ministrja e Drejtësisë, Albulena Haxhiu, tregoi se ky projektligj përcakton kompetencat e kryeprokurorit si dhe të kryeprokurorëve të prokurorive.
Ndërkaq pika e gjashtë e rendit të ditës ishte shqyrtimi i Projektligji për Prokurorinë Speciale për të cilin Kurti tha se është hallkë e rëndësishme në sistemin prokurorial.
“Prokuroria Speciale është hallkë shumë e rëndësishme në sistemin tonë prokurorial, ku qartësohen përgjegjësit e këtij institucioni”, tha Kurti
