Ministria e Industrisë, Ndërmarrësisë dhe Tregtisë ka publikuar çmimet maksimale të lejuara për derivatet e naftës, të cilat do të jenë në fuqi gjatë ditës së sotme.
Sipas vendimit të ministrisë, çmimi maksimal për naftën (dizel) është përcaktuar në 1.69 euro për litër, ndërsa benzina do të tregtohet deri në 1.49 euro për litër. Ndërkaq, çmimi i gazit është vendosur në 0.84 euro për litër.
Këto çmime hyjnë në fuqi nga ora 10:00 dhe do të mbeten të vlefshme deri në një vendim të ri nga autoritetet kompetente.
