Ministrja gjermane e Mbrojtjes, Christine Lambrecht po qëndron për një vizitë në vendet e Ballkanit perëndimor.
Të mërkurën ka qëndruar për vizitë në Bosnje e Hercegovinë, por që ditët në vazhdim do të vizitojë edhe vendet e tjera të rajonit.
Tëvë1 ka mësuar se ministrja gjermane do të qëndrojë të enjten edhe në Kosovë.
Nga Ministria e Mbrojtës e Republikës së Kosovës, i ka thënë televizionit, se gjatë ditës së enjte ministrja Kristine Lambrehet, do ta vizitojë ministrinë Mbrojtjes, që udhëhiqet nga Armend Mehaj.
Njohësi i çështjeve të sigurisë Nuredin Ibishi, thotë se kjo vizitë është shumë e rëndësishme dhe si e tillë do të sillen mesazhe të qarta nga Gjermania.
Ndërsa, eksperti i sigurisë nga Shqipëria, Arian Durmishi, thotë se vizita e ministres gjermane në Ballkan është e natyrshme, pasi sipas tij kjo lidhet me sigurinë e brishtë të këtyre vendeve.
Njohësit e çështjeve politike thonë se qeveria e re gjermane, ka një qasje më aktive sa i përket vendeve të Ballkanit Perëndimor.
Raporti i gazetarit Valmir Gallopeni.
