Gjatë ditës së sotme në media është raportuar se Minstria e Mbrojtjes e udhëhequr nga Ejup Maqedonci, zyrtarja ekzekutive e kabinetit të ministrit në datën 28 maj 2025 Rugova Sinani Sejdiu është pranuar në pozitën Zyrtar për Menaxhimin e Informacionit të Klasifikuar.
Kjo pasi që në media është raportuar se sipas ligjit nuk e lejon që një këshilltar politik gjatë mandatit të tij të aplikojë për ndonjë pozitë në shërbimin civil.
Pasi që në të kundërt një veprim i tillë konsiderohet si konflikt i interesit.
Dhe për këtë kanë reaguar nga Ministria e Mbrojtjes duke thënë se ligjërisht nuk ekziston asnjë nen për Zyrtarët Publik që në situatë të tilla ua mohon të drejtën e aplikimit në institucione publike anëtarëve të kabinetit dhe se zonja Sinani i’u është nënshtruar fazës së testimit dhe intervistimit ashtu si cdo kandidat tjetër.
“Ministri Maqedonci është ministër në detyrë ashtu si dhe anëtarët e kabinetit të tij, duke përfshirë dhe zonjën Rugova Sinani e cila ka ushtruar detyrën e Zyrtares Ekzekutive.Ligjërisht nuk ekziston asnjë nen në Ligjin Nr. 08/L-197 për Zyrtarët Publik që në situatë të tilla ua mohon të drejtën e aplikimit në institucione publike anëtarëve të kabinetit.Zonja Rugova Tahir Sinani i është nënshtruar fazës së testimit dhe intervistës ashtu si dhe çdo kandidat tjetër, dhe me plotësimin e të gjitha kritereve është punësuar dhe jo emëruar në pozitën Zyrtar për Menaxhimin e Informacionit të Klasifikuar. Prandaj lajmet e tilla që gjoja është në kundërshtim me ligjin janë plotësisht të pavërteta”, kanë reaguar nga Ministria e Mbrojtjes.
