Përmes një postimi në Facebook, MB-ja ka publikuar një video-material për të gjithë ata që duan ta veshin uniformën e Ushtrisë së Kosovës, si dhe për të pasur kohë të mjaftueshme për parapërgatitje për testet e përzgjedhjes.
“Me qëllim që të gjithë ju që keni interesimin, dëshirën, pasionin dhe vullnetin që të veshni uniformën e Ushtrisë së Kosovës, si dhe për të pasur kohën e mjaftueshme që të parapërgatiteni për testet e përzgjedhjes, ju ftojmë të ndiqni video-materialin me titull: ‘Rrugëtimi me udhëzime prej ditës së aplikimit deri në ditën e betimit të ushtarit të FSK-së’. Prandaj ju mirëpresim në muajin shtator, në periudhën edhe kur zyrtarisht shpallim konkursin dhe fillojmë fazën e pranimit të aplikacioneve tuaja”, thuhet në njoftim. /teve1.info/
