Ministria e Kulturës, Rinisë dhe Sportit ka njoftuar se ka nënshkruar dy memorandume bashkëpunimi për dy projekte me Komunën e Gjakovës.
Sipas njoftimit, projektet do të jenë rivitalizimi i Çarshisë së Gjakovës dhe restaurimi i shkollës së vjetër të Muzikës – ish Mejtep Ruzhdije.
“Ministria e Kulturës dhe Komuna e Gjakovës kanë nënshkruar memorandum bashkëpunimi për dy projekte: revitalizimin e Çarshisë së Gjakovës dhe konservimin/restaurimin e monumentit të shkollës së vjetër të Muzikës – ish Mejtep Ruzhdije. MKRS-ja për realizimin e të dyja projekteve ka marrë përsipër realizimin e projekteve ndërsa Komuna zbatimin e tyre. Kjo marrëveshje bashkëpunimi është nënshkruar ndërmjet u.d sekretarit të përgjithshëm të MKRS-së, Xheladin Krasniqi dhe kryetarit të Gjakovës, Ardian Gjini”, thuhet në njoftim./teve1.info./
