Ministria e Drejtësisë bëri të ditur se qëllimi i këtij takimi ishte koordinimi për mbështetje në zbatim të Strategjisë Kombëtare kundër dhunës në familje dhe dhunës ndaj grave 2022-2026.
“Zyra e Koordinatores kundër dhunës në familje në ministri të Drejtësisë, do të ketë mbështetjen e ekspertëve nga Këshilli i Evropës për raportim dhe monitorim të strategjisë. Procedura të raportimit të aktiviteteve do të garantojnë një zbatim të aktiviteteve në kohë dhe me cilësinë e duhur”, thuhet në njoftimin e ministrisë.
Të pranishmit u dakorduan lidhur me aktivitetet konkrete në kuadër të strategjisë në realizimin e të cilave do të bashkëpunojnë.
