Ministri i Financave, Punës dhe Transferev, Hekuran Murati dhe deputeti i Partisë Demokratike të Kosovës Mërgim Lushtakun, kanë pasur një përplasje ndërmjet vete, në lidhje me vlerën e koeficientit të Pagave.
Në Komisionin për Buxhet, Punë dhe Transfere, ku është shqyrtuar Projektligji për ndryshimin dhe plotësimin e Ligjit mbi ndarjet buxhetore, deputeti i PDK-së, Mërgim Lushtaku e ka konsideruar se sektorit publik po i humb shpresa.
Ndërkohë, ministri Murati ka thënë se me këtë koeficient është rritur paga mesatare në sektorin publik.
Ministri i Financave Hekuran Murati, tha se deri te vlera e koeficientit prej 105 euro kanë ardh duke bërë përllogaritjet nga Ministria e Punëve të Brendshme dhe organizatat buxhetore në vend.
Ai tha me këtë koeficient është rritur paga mesatare në sektorin publik nga 620 sa ka qenë në 730 euro.
Sipas Muratit, për ata që kanë përvojë pune, koeficienti është më i larti.
“Mundëson kompletimin e ligjit të pagave. Vlera e koeficientit 105 euro deri të kjo vlerë është marr kufiri buxhetor që është vendosur nga ligji. Gjatë vitit 2022 kemi pasur rritje ekonomike. Buxheti është rrit me 105 milionë euro krahasuara me vitin paraprak. Kemi paraparë që për vitin 2024 koeficienti të rritet prej 110 euro. Shpresoj që të marr miratimin e komisionit. Në vitin 2022 paga mesatare ka qenë 620 euro, tash me këtë vlerë paga mesatare është 730 euro bruto, pra rritja është 110 euro”, tha ai.
Kritika për vlerën e koeficientit pati deputeti i PDK-së, Mërgim Lushtaku. Tha se të punësuarve në sektorin publik u ka humbur shpresa.
“Ne e kemi kundërshtuar këtë vlerë nga fillimi dhe kemi kërkuar që të jetë një vlerë e dinjitetshme, një vlerë prej 130 eurove për vlerë të koeficientit. Pikërisht VV-ja e ka përhapur që do të jetë një vlerë prej 120 euro prej juve është shpërndarë kjo. Pagën neto e keni prezentar në pagën bruto dhe e keni paraqit këtë, pra kjo është mashtrim. Në të gjitha rastet pagën neto e keni paraqit në bruto kjo është mashtrim i radhës që fatkeqësisht e keni lënë këtë sektor në mëshirën e juaj”, tha Lushtaku.
Sipas Lushtakut, në universitete janë ulur pagat.
“Kemi zvogëlim tekë Universiteti. Ju po i mbështetni vetëm sektorin publik. Me siguri edhe keni marrëveshje me sektorin privat. Te policia keni larguar shujtat dhe keni venë para një rreziku policinë. Kuvendit ja keni ulur me 40 për qind pagat, a e keni bërë që të hakmerreni ndaj administratës së Kuvendit. Keni një çështje që dëmton edhe më shumë njerëzit që kanë provojë të punës.
I keni zvogëluar shtesat së tepërmi, shtesat duhet që të jenë promovim për ata që punojnë më shumë. Ky ligj është më shumë mbështetës i udhëheqësve, kryeministrit ja keni rrit rrogën që deri vonë e ka kundërshtuar, është ligj që ja humb shpresën zyrtarëve publikë”, tha ai.
Kurse ministri Murati, e demantoi Lushtakun për prezantim të vlerës së koeficientit. Tha se këtë nuk e ka bërë publike Qeveria asnjëherë.
