Mehaj përmes një postimi në Facebook, ka thënë se ka ftuar afaristët që të investojnë në Kosovë.
“Gjatë këtij takimi kam ftuar afaristët që të investojnë në vendin tonë, duke ua prezentuar potencialin dhe kushtet e favorshme që ofron Republika e Kosovës për investime si dhe hapat e ndërmarra nga qeveria jonë në këtë drejtim”, ka shkruar Mehaj.
Tutje Mehaj tha se afaristët i kanë prezantuar plane konkrete për investime, të cilat sipas tij janë në finalizim, raporton teve1.info
“Biznesmenët më njoftuan për veprimtarinë e tyre përfshirë edhe atë në Kosovë, ata më prezantuan plane konrete për investime, të cilat ishin në finalizim, gatshëmëria për bashkëpunim ishte në nivelin e duhur. Ata u shprehën që deri më tani fokusi i investimeve nga Turqia ka qenë industria e shërbimeve, financave dhe energjisë, por ata do të shikojnë mundësitë për zgjeriminne investimeve në industrinë prodhuese” shkroi Mehaj.
Mehaj gjithashtu ka njoftuar se ka zhvilluar takim edhe në kompanin Baykar, ku shefi ekzekutiv i kësaj kompanie, Haluk Bayraktar e ka njoftuar për së afërmi me dronët dhe teknologjitë e fundit që janë duke u prodhuar në të njëjtën kompani.
“Takimin e radhës e kam zhvilluae në kompaninë Baykar. Gjatë kësaj vizite shefi ekzekutiv i kompanisë Baykar, Z. Haluk Bayraktar më njoftoj për së afërmi me dronët dhe teknologjinë e fundit që po prodhohen në këtë kompani. Falënderoj z. Bayraktar për respektin e tij ndaj Kosovës dhe gatishmërinë e lartë që Kosovës t’i ofoi zgjedhjet më të mira”, tha ai.
Ndryshe, Mehaj ka udhëtuar për në Turqi, me ftesë zyrtare të homologut, Hulusi Akar.
