Ministri i Admnistrimit të Pushtetit Lokal, Elbert Krasniqi, ka pritur në një takim ambasadorin e Francës në Kosovë, Olivier Guerot.
Krasniqi i ka thënë francezit se po i jep mbështetje kryetarëve të rinj në komunat veriore në mënyrë që t’i përmbushin obligimet ligjore dhe kushtetuese.
“Ambasadorin z. Guérot e njoftova për zhvillimet e fundit duke theksuar mbështetjen e ministrisë për përmbushjen e obligimeve ligjore dhe kushtetuese të Kryetarëve në mënyrë që të mundësohet zhvillimi lokal dhe ofrimi i shërbimeve sa më të mira për qytetarët në Komunat të cilat tashmë udhëhiqen nga Kryetarët e rinj”, ka shkruar Krasniqi.
