Gjatë këtij prezantimi Ministri Krasniqi ka përmendur disa nga fushat e matjes së performancës komunale, krahasimin ndër vite të performancës komunale si dhe procesin e matjes dhe sfidat ndër vite. Të gjeturat tjera të raportit theksojnë se “Në përgjithësi të dhënat tregojnë se shkalla e ofrimit të shërbimeve dhe zbatimit të funksioneve qeverisëse shtrihet në nivel mesatar të pasqyruar nga viti në vit. Mesatarja e përgjithshme prej 57.06% është tregues që komunat duhet të zgjerojnë kapacitetet e tyre menaxhuse për të përmirësuar shërbimet dhe qeverisjen sipas kompetencave të tyre vetanake, e sidomos në fushat me performancë të ulët si: përfaqësim të barabartë gjinor, transport publik, kanalizim, parkingje, zhvillim ekonomik lokal, planifikim hapësinor, shërbime shëndetësore, hapësira publike dhe infrastrukturë”.
Po ashtu, Ministri Krasniqi nënvizoi se matja e performancës komunale është një nga prioritetet e Ministrisë së Administrimit të Pushtetit Lokal.
Gjatë konferencës, kreu i MAPL-së u përgjigj edhe në pyetjet e parashtruara nga gazetarët lidhur me raportin e performancës komunale.
