Ministri italian i Mbrojtjes, Guido Crosetto ka deklaruar se veprimet e Izraelit në Gaza janë “të papranueshme” dhe tregojnë se qeveria e tij ka “humbur arsyen dhe njerëzimin”.
“Nuk po përballemi me një operacion ushtarak me dëme anësore, por me mohimin e pastër të ligjit dhe vlerave themelore të qytetërimit tonë”, tha ministri italian i mbrojtjes për të përditshmen La Stampa në një intervistë të botuar sot.
“Ne jemi të përkushtuar ndaj ndihmës humanitare, por tani duhet të gjejmë një mënyrë për ta detyruar Netanyahun të mendojë qartë, përtej dënimit”, tha ai, citon Al Jazeera.
I pyetur në lidhje me sanksionet e mundshme ndërkombëtare kundër Izraelit, Crosetto tha se “pushtimi i Gazës dhe disa akte të rënda në Bregun Perëndimor shënojnë një hap cilësor, përballë të cilit duhet të merren vendime që e detyrojnë Netanyahun të mendojë”.
Ai shtoi: “Ne gjithmonë duhet të dallojmë qeveritë nga shtetet dhe popujt, si dhe nga fetë që ata deklarojnë. Kjo vlen për Netanyahun dhe vlen për Putinin, metodat e të cilit, deri tani, janë bërë të rrezikshme të ngjashme.”
Izraeli akuzohet për bllokadë të plotë të ndihmave dhe për shkatërrim të sistemit bujqësor – duke shkaktuar uri të përhapur.
Kritikat ndërkombëtare ndaj tij vazhdojnë e rriten për shkak të luftës shkatërruese ndaj Gazës, ku që nga tetori janë vrarë më shumë se 61,400 njerëz./teve1/
