Kështu ka bërë të ditur ambasadori jorezident i Irlandës për Kosovën në Budapest, Ronan Gargan në takim me kryeministrin, Albin Kurti.
“Ambasadori duke e uruar kryeministrin për progresin në ekonomi dhe në indikatorët e demokracisë, e falënderoi për rreshtimin me Bashkimin Evropian në dënimin e agresionit të pajustifikuar dhe të paprovokuar të Rusisë në Ukrainë dhe për vendosjen e sanksioneve ndaj Rusisë. Ambasadori po ashtu njoftoi për ardhjen për vizitë në Kosovë të ministrit irlandez për Çështje Evropiane, z. Thomas Byrne, më 4 korrik”, njoftoi ndër tjerash Zyra e Kryeministrit.
Sipas njoftimit, gjatë këtij takimi është diskutuar për marrëdhëniet e mira dypalëshe dhe forcimin e bashkëpunimit ekonomik, tregtar, por edhe bashkëpunimi në fushën e sigurisë./teve1.info/