Ministri i Jashtëm i Italisë, Antonio Tajani, ka thënë se sulmi i 24 shtatorit në Banjskë të Zveçanit ishte akt shumë i rëndë, raporton teve1.info
Në një intervistë për gazetën italiane “Messaggero Veneto”, ai tha se sulme të tilla nuk duhet të përsëriten, derisa shtoi se këtë akt e ka dënuar edhe Italia me vendosmëri.
“Sulmi ndaj Banjskës është një akt shumë i rëndë që Italia e ka dënuar me vendosmërinë më të madhe dhe që absolutisht nuk duhet të përsëritet. Prioriteti tani është rinisja e procesit politik për të shmangur tensionet apo incidentet e mëtejshme. Ky ishte mesazhi kryesor që së bashku me BE-në, Gjermaninë, Francën dhe Shtetet e Bashkuara të Amerikës sollëm në Beograd dhe Prishtinë më 21 tetor të kaluar. Italia do të vazhdojë të bëjë pjesën e saj që dialogu të vazhdojë në mënyrë konstruktive dhe të parandalohen përplasjet e mëtejshme falë punës së misionit NATO-KFOR, ku vendi ynë është një nga kontribuuesit kryesorë” , u shpreh ai.
