Ministri i Jashtëm gjerman, Johann Wadephul ka paralajmëruar se mungesa e mbështetjes ndaj Ukrainës mund ta lërë vendin e tij të hapur ndaj sulmeve nga Rusia.
Wadephul i tha transmetuesit publik Deutschlandfunk se ai beson se qeveria amerikane është e përkushtuar ndaj NATO-s dhe detyrimeve të saj të mbrojtjes së ndërsjellë ndaj partnerëve të saj evropianë, pavarësisht dallimeve të tyre me Uashingtonin.
Nuk është e vërtetë që evropianët nuk luajtën asnjë rol në negociatat e armëpushimit, shtoi ai.
“Qëndrueshmëria dhe vendosmëria jonë për të mbështetur Ukrainën janë faktorë të pavarur që nuk i bëjmë të varur nga të tjerët.
Nëse kjo shkon keq, nëse dështon në Ukrainë, ne do të jemi të radhës. Kjo është arsyeja pse ne do t’i japim përkushtimin tonë të plotë Ukrainës”, shtoi ai.
Wadephul tha gjithashtu se besonte që Rusia duhet të ndërmarrë hapin tjetër në bisedime, pas deklaratave të Kievit për heqjen dorë të mundshme nga anëtarësimi në NATO në këmbim të garancive të sigurisë dhe bisedimeve të bazuara në vijat aktuale të frontit.
