Është dita e 15-të që janë këtu. Edhe të premten, serbët lokalë u mblodhën para objektit të Komunës së Leposaviqit.
Kërkesat e tyre janë njëjta, largimi i kryetarit shqiptar nga komuna.
Edhe pse në një numër te vogël, ata shfrytëzuan kohën për sport.
E për dallim nga ditët e tjera, sot nuk pati rrethoja rreth objektit por vetëm në pjesën e përparme.
Madje u larguan edhe telat gjemborë, teksa autoblindat e Policisë së Kosovës nuk u panë në objektin e Komunës.
E pak metra më poshtë, në stacionin policor ne Lepoaviq për vizitë ishte ministri i Infrastrukturës, Liburn Aliu.
Pas qëndrimit rreth gjysmë ore, Aliu u largua nga aty duke mos u prononcuar për media.
E situatë njëjtë ishte edhe në Zveçan.
Aty u pa një numër i vogël protestuesish, të cilët u vendosën në disa tenda në rrugë.
Pjesë e protestuesve ishin edhe dy udhëheqësit e Listës Serbe, Goran Rakiq e Igor Simiq.
Po ashtu edhe në Zubin Potok u vërejt një situatë e qetë dhe se nuk u shënua asnjë incident.
Këtu, gjatë ditës u vërejt numri i madh i zyrtarëve policorë.
Kronika e realizuar nga gazetari Lindrit Zejnullahu
