Ndërmarrja Trepça ka njoftuar se minatorët që kishin mbetur të ngujuar në nënstacionin Trepça – Shupkovc, janë dalë në mënyrë të sigurt dhe pa incidente, pas rikthimit të energjisë elektrike.
Në një komunikatë për media ndërmarrja Trepça ka njoftuar se këta minatorë janë zëvendësuar më të tjerët dhe se puna po vazhdon normalisht.
“Theksojmë se të gjithë minatorët që ndodheshin në brendësi të minierës gjatë ndërprerjes janë dalë në mënyrë të sigurt dhe pa incidente. Tani është bërë zëvendësimi i tyre me dhe puna në minierë po vazhdon pa pengesa. Trepça Sh.A. është e përkushtuar në garantimin e sigurisë teknike dhe vazhdimësisë së operacioneve industriale dhe do të ndërmarrë të gjitha masat e nevojshme për të parandaluar përsëritjen e rasteve të tilla”, thuhet në komunikatën e Trepçës.
Nga kjo ndërmarrje kanë bërë të ditur se dëmet nga ndërprerja e energjisë elektrike ka shkaktuar akumulimin e rreth 1.89 milionë litrash ujë brenda hapësirave të minierës
“Ndërprerja rreth 9-orëshe e furnizimit me energji elektrike ka shkaktuar akumulimin e rreth 1.89 milionë litrash ujë brenda hapësirave të minierës. Kjo situatë kërkon një kohë të dyfishtë për t’u normalizuar nga sistemet e pompimit dhe paraqet rrezik për dëmtim të mundshëm të infrastrukturës, veçanërisht në ujëmbledhësit e horizontit XI”, thuhet tutje në komunikatë.
Katër minatorë të “Trepçës” ngujohen në minierë, shkak mungesa e rrymës
