Milwaukee Bucks s’ndalon dot në NBA, derisa kapi fitoren e 16 radhazi. Bucks mposhti Orlandon 139:117, me gjithë titulluarët që realizuan pikë dyshifrore mbi dhjetë. Giannis bëri diferencën me 31 pikë. Të fitorja është kthyer Lakers, që mundi 123:117 Oklahoham në udhëtim. Dennis Schroder me 26 pikë, ishte më i miri te Lakers.
Fiton edhe ekipi i Phoenix Suns, që mposhti 105-91 Charlotte jashtë fushe, sfida ku Kevin Durant bëri debutimin e tij me Suns. Ai realizoi 23 pikë, ndërkohë që shënuesi më i mirë për Phoenix ishte Devin Booker me 37 pikë.
Skuadra e Philadelphia, falë 27 pikëve të Maxey dhe 23 të Harden, mposhti 119-96 Miami, një përballje mes dy ekipesh rivale në Konferencën e Lindjes.
Edhe Boston rikthehet te fitorja në kampionat, duke mundur 117-113 Cleveland, në një ndeshje me rivalitet deri në fund. Mitchell realizoi 44 pikë për Cavaliers por që s’mjaftuan, ndërsa për Celtics u dallua Jayson Tatum me 41
pikë e 11 rebound. Chicago mposhti në fund Detroit me shifrat 117-115, ndeshje ku diferencën e bëri Zach LaVine, autor i 41 pikëve për Bulls.
NBA – Rezultatet e sotme
Charlotte – Phoenix 91:105
Detroit – Chicago 115:117
Boston – Cleveland 117:113
Miami – Philadelphia 96:119
New York – Brooklyn 142:118
Houston – Memphis 99:113
Milwaukee – Orlando 139:117
Oklahoma – Lakers 117:123
Portland – New Orleans 110:121
