Presidenti kroat, Zoran Milanoviq, gjatë një fjalimi në garën e kalorësisë Alka Sinji në Sinj të Kroacisë, ku po merr pjesë edhe presidentja e Kosovës, Vjosa Osmani, ka deklaruar se Kosova ndonëse e nisi mirë me miq , tashmë është lënë vetëm.
Milanoviq,është shprehur se gjithë ajo mbështetje që iu dha në fillim, me kalimin e kohës u zhduk dhe momentalisht pesë anëtarë të BE-së dhe NATO-s nuk e kanë njohur.
Ai e ka konsideruar mike Kosovën dhe prandaj në shenjë mirënjohjeje, ka ftuar presidenten Osmani për të qenë pjesë e festimeve të tyre.
“Kosova filloi ndryshe, me mbështetje të madhe që humbi dhe u zhduk në ndërkohë. Dhe tani ata i janë lënë vetvetes, pesë anëtarë të BE-së dhe NATO-s nuk e kanë njohur. Prandaj ajo është sot është mysafirja ime [presidentja Osmani] dhe kjo është arsyeja pse, përveç festimeve tona dhe ditëve tona të krenarisë dhe lavdisë, kjo është edhe një nderim dhe mirënjohje për vendin tonë mik”, tha Milanoviq, raporton Index.hr. /teve1.info/
