Skuadra e Milanit nuk e ka ndërmend të dorëzohet për Ardon Jasharin, pavarësisht konkurrencës së fortë nga Borussia Dortmundi.
Të martën, raportohet se Milani ka bërë një ofertë të re për mesfushorin shqiptar dhe së shpejti mund të arrij marrëveshjen me Club Bruggen.
Dy ofertat e para të Milanit prej 27 dhe 30 milionë eurosh për Jasharin janë refuzuar nga Brugge që për 22-vjeçarin po kërkon të paktën 40 milionë euro.
Megjithatë, oferta e tretë e italianëve mund të bind ekipin belg duke pasur parasysh se edhe Jashari po dëshiron të transferohet në “San Siro” pasi po pëlqehet shumë nga trajneri Massimiliano Allegri.
Këtë herë, Milani ka ofruar 35 milionë euro për Jasharin, i cili ka kontratë me Bruggen deri në vitin 2029 dhe marrëveshja pritet të finalizohet brenda këtij muaji.
