Mesfushori Adrien Rabiot është pranë rikthimit në Serie A të Italisë.
Ekipi i Milanit po vlerësohet favorit për transferimin e tij, pasi është në negociata intensive me Marseillen.
Është trajneri i Milanit, Massimiliano Allegri që po insiston në transferimin e Rabiotit, pasi ka punuar me francezin te Juventusi.
Rabiot pritet të largohet këtë afat kalimtar nga Marseille për shkak se është suspenduar nga klubi dhe është nxjerrë në shitje.
Ekipi francez po kërkon të paktën 15 milionë euro për kartonin e Rabiotit, ndërsa Milanin po synon të sigurojë shërbimet e tij për 10 milionë euro.
