Miftaraj u është drejtuar politikanëve të të gjitha partive politike që të mos komentojnë vendimet e Gjykatës Speciale.
Sipas tij, nuk është patriotizëm të komentohet, gjykohet apo ofendohet Gjykata Speciale.
“Politikanë të gjitha partive politike mos komentoni vendimet e Gjykatës Speciale, kuptojeni dhe zbatojeni ndarjen e pushteteve. Nuk është patriotizëm me komentu, gjyku ose ofendu Gjykatën Speciale”, ka shkruar ai në një postim në Facebook.
Miftaraj thotë se nuk i ndihmoni personave të akuzuar apo dënuar me këtë qasje, sipas tij, u rëndohet pozita në të cilën gjenden.
“Kurfarë ndihme nuk iu ofroni personave te akuzuar apo dënuar me këtë qasje. Përkundrazi, ka kundër efekt, ua rendoni pozitën në të cilën gjendeni”, ka thënë ai.
Gjykata Speciale ka shpallur fajtor ish-drejtuesit e Organizatës së Veteranëve të Luftës së Ushtrisë Çlirimtare të Kosovës, Hysni Gucati e Nasim Haradinaj.
Ata janë dënuar me nga 4 vjet e gjysmë burgim, ku u llogaritet edhe koha e paraburgimit.
Gucati e Haradinaj u dënuan për publikimin e dokumenteve të Speciales. /Teve1.info/
