Ehat Miftaraj nga IKD, ka thënë se për mosekzekutimin e pagave për zyrtarët publikë për shkak të neglizhencës, apo për ndonjë arsye tjetër, në një shtet normal, do të pasonte me dorëheqje morale të ministrit.
Sipas tij, nëse një gjë e tillë nuk ndodhë me vullnetin e ministrit, shkarkimi i tij do të duhej të bëhej nga kryeministri i vendit.
“Mos procesimi i pagave në sektorin publik për shkak të neglizhencës, keqplanifikimit ose mos ushtrimit të përgjegjësive sipas ligjit, në një shtet normal do të pasonte me dorëheqje morale të Ministrit. Në një shtet normal që udhëhiqet nga parimet minimale të qeverisjes së mirë dhe sundimit të ligjit, nëse ministri nuk ofron dorëheqje, shkarkohet nga Kryeministri. Fatkeqësia është se e njejta ministri dhe i njejti ministër i përkrahur nga Kryeministri Kurti dhe qeveria në pushtet e ka shëndrruar në praktikë refuzimin e zbatimit të ligjeve që lidhen me të drejtat e pensionistëve, pensioneve bazë dhe pensioneve të fituara me ligje tjera”, thuhet në postimin e Miftaraj.
