Presidenti i Këshillit Evropian, Charles Michel, ka thënë se rruga e Kosovës për në Bashkimin Evropian varet nga progresi në dialog dhe zbatimi i marrëveshjeve të arritura ndërmjet dy vendeve.
Ai këto komente i ka bërë i pyetur me paralajmërimin e Kosovës për aplikim për marrjen e statutit për vend kandidat në BE.
“Duhet ë ketë progres në procesin normalizimit të marrëdhënieve mes Serbisë dhe Kosovës, obligimet i përmendëm nga të dy anët dhe duhet të implementohen të gjitha marrëveshjet të cilat janë marrë në të kaluarën dhe duhet të ketë përgjegjësi për BE-në që të ndihmoj, asistoj dhe duhet të diskutohen çështjet me autoritete serbe se në disa muaj të ardhshëm do të kemi progres…ka pikëpamje të ndryshime por që duhet të adresohen me një kurajë politike nga të dy anët”, tha Michel në konferencën e përbashkët për medie me Osmanin.
E sa i përket aplikimit nga Kosova ai tha se ky është vendim që i takon autoriteteve të Kosovës, ndërsa shtoi se sundimi i ligjit është shumë i rëndësishëm për procesin e anëtarësimit.
“E kuptoj që Kosova ka për qëllim të aplikoj dhe ky është vendim që duhet të merret nga autoritete kosovare pastaj procesi nga ana e BE-së, duhet të mbështet kjo ankesë nga shtetet anëtare , ka proceduara formale të cilat duhet të mbulohen dhe çështja e sundimit të ligjit është ADN-ja e gjithë këtij procesi. Nga ana e BE-së duhet të ketë proces që të ulen tensionet në Ballkanin Perëndimor”, tha ai.
Presidentja Osmani gjatë konferencës tha se Kosova synon që në fund vit të aplikojë për marrjen e statutit kandidat për anëtarësim në BE./teve1.info/
